సత్తువు

పట్టపగలు నిద్దరోయె,
మార్గమధ్య వదిలిపోయె,
ధైర్యమంత దగ్ధమాయె,
కష్టపడుట కష్టమాయె,
ఇష్టమంత ఇరుకులాయె,
ధ్యాస దారితప్పెనాయె,
కన్న కలలు కల్లలాయె,
ఓటమి కోకొల్లలాయె,
బ్రతుకంతా భారమాయె,
కాలం కారుమబ్బులాయె,
జీవనం జటిలమాయె,
ద్రుష్టంతా దూరమాయె,

అయితే????
బ్రతుకు భారమైన భవితకి చావే శరణ్యమా?
వికటించిన వదంతుకు పరిహాసమే సమాధానమా?

వగరు చెట్టు తియ్యని పండునివ్వదా?
గులాబి గుత్తునందు గుచ్చెటి ముల్లు ఉండదా?
సత్తువే సాధనమై!
చిత్తశుద్ధియే ఇంధనమై!
నిశ్చల నిరవధిక నిర్విరామ శ్రమతో నేస్తమై!
నింగికేయు నిచ్చెన నిజానికేయరా,
గెలుపు సగటు కాదు సంపూర్ణం చేయరా,
సాగిపో నేస్తమా సాగిపో....
కష్టం కడతేరువరకు, ఇష్టం ఇలచేరువరకు...
సాగిపో సాగిపో సాగిపో...

శివ